ስው በምድር ላይ እንዲኖር እግዚአብሄር የፈቀደለት የዕድሜ ዘመን ስንት ነው

1 መልስ

+1 ድምጽ

ሰው በምድር ላይ እንዲኖር የተፈቀደለት እስከ 120 ዓመት ብቻ ነው፤

1 ዓመት በፊት በ ስም-አልባ የተመለሰ

ብዙ እድሜያቸው ከ120 በላይ ያለፈ ሰዎችን ምድራችን አስተናግዳለች። ይህ ንግግርህ በሳይንስ፣ በታሪክና በመፅሓፍ ቅዱስም ጭምር ያልተደገፈ ነው። መጽሓፍ ቅዱስ እንዲህ የሚልበትን ስፍራ ብትጠቁም እንኳ ጥሩ ነበር። ይታረም!!!

4 ወራቶች በፊት በ ቤሪያ (1,140 ነጥቦች) አስተያየት ተሰጥቶበታል

ኦሪት ዘፍጥረት 6፡3፤ እግዚአብሔርም። መንፈሴ በሰው ላይ ለዘላለም አይኖርም፥ እርሱ ሥጋ ነውና፤ ዘመኖቹም መቶ ሀያ ዓመት ይሆናሉ አለ።

3 ወራቶች በፊት በ Henok (830 ነጥቦች) አስተያየት ተሰጥቶበታል

«ሰው» ስትል የአዳምና የሔዋን ዘር ማለትህ ይመስለኛል። ከእናቱ ማህጸን ከወጣ ህጻን ጀምሮ በእርጅና ብዙ ዘመን በምድር ላይ እስካለ ሽማግሌ ድረስ ያለው ሁሉ የሰው ልጅ ነው። እናም ለእነዚህ የሰው ልጆች በምድር ላይ እንዲኖሩ የተፈቀደበት እድሜ ስንት ነው? ብትል መልሱ እድሜያቸው ከተወለዱበት አንስቶ እስከሚሞቱበት ቀን ድረስ ያለው ነው። በወርም፣በዓመትም፣ በዓመታትም ውስጥ እንዲኖር የተፈቀደለትን ኖሮ ይሞታል። ለሁሉም የሞት እድሜ በገደብ የተቀመጠ ስላይደለ እዚህ ድረስ ሁሉም ይቆያል፣ ከዚህም አያልፍም ሊባል አይችልም። ጥያቄህን ለመረዳት ስሞክር ምናልባት «የሰው ልጅ በዚህ ምድር ላይ ረጅም ዘመን ለመኖር የተፈቀደለት ቢሆን እስከስንት ዓመት ነው?» ማለት ፈልገህ ከሆነ ይህንኑ ግልጽ አድርግ!! ረጅሙን እድሜ ማቱሳላ 969 ዓመት መኖሩን አንብበናል። (ዘፍ 5፣27) ከዚያም ለጥፋት ውሃ ምክንያት በሆነው የሰው ኃጢአት ምክንያት 120 መድረሱን ብናነብም ይስሐቅ 180 ዓመት መኖር ችሏል። ከዚያም ወርዶ 70 ከበዛም 80 ዓመት ሲሆን ይህንን ካለፈ ይድሜው ትርፉ ድካምና መከራ እንደሆነ ነግሮናል። «የዘመኖቻችንም ዕድሜ ሰባ ዓመት፥ ቢበረታም ሰማንያ ዓመት ነው ቢበዛ ግን ድካምና መከራ ነው ከእኛ ቶሎ ያልፋልና፥ እኛም እንገሠጻለንና» መዝ 90፣10
ከዚህ ቃል የምንረዳው ከሰባ እስከ ሰማንያ ያለው ለሰው ትልቁና በቂው የእድሜ ዘመን ሆኖ ከሰማንያ ዓመት በኋላም መኖር የሚቻል ቢሆንም አኗኗሩ ግን ድካምና መከራ ያለበት መሆኑን ያሳየናል። ይሁን እንጂ መጽሐፍ ቅዱስ ብዙ ቦታ ላይ «እድሜህ እንዲረዝም «እናትህንና አባትህን አክብር (ዘጸ 20፣12)፣ እድሜአችሁ እንዲረዝም እግዚአብሔር ባዘዛችሁ መንገድ ሂዱ(ዘዳ 5፣33)፣ እድሜአችሁ እንዲረዝም ትእዛዛቴን ሁሉ ጠብቁ(ዘዳ 11፣8-9)፣ በመንገዴ የሄድክ እንደሆነ እድሜህን አረዝመዋለሁ(1 ነገ 3፣14)፣ በእድሜህም ላይ 15 ዓመት እጨምራለሁ(2 ነገ 20፣6)፣
ልጄ ሆይ፥ ሕጌን አትርሳ፥ ልብህም ትእዛዛቴን ይጠብቅ።ብዙ ዘመናትና ረጅም ዕድሜ ሰላምም ይጨምሩልሃልና(ምሳ 3፣1-2)
ስለሆነም እድሜ እግዚአብሔርን ከመፍራትና ትእዛዛቱን ከመጠበቅ የተነሳ ሊጨመር ይችላል። ስለዚህ የማንም ሰው እድሜ የሚታወቀውና የሚጨመረው በእግዚአብሔር ሕግ ሥር ነው። «የሰው ዕድሜ የተወሰነ ነው፥ የወሩም ቍጥር በአንተ ዘንድ ነው፥ እርሱም ሊተላለፈው የማይችለውን ዳርቻ አደረግህለት» ኢዮብ 14፣5

3 ወራቶች በፊት በ ስም-አልባ አስተያየት ተሰጥቶበታል

የተዛመዱ ጥያቄዎች